Үз-үзебезне мотлак саклау кирәк

16 сентябрьдә республикада COVIDтан прививкаларның рекордлы саны ясалды – 40 321 кеше. Шуларның 27 045е - беренче компонент. Бу хакта вице-премьер, Башкортстанның сәламәтлек саклау министры Максим Забелин үзенең социаль челтәрләрендә хәбәр итте.
Шимбә нәтиҗәләре буенча, республиканың 1 422 447 кешесе беренче компонент белән вакциналанган. 259 376 кеше вакциналануны тулысынча төгәлләгән.

Төбәктә чираттагы эпидемия дулкыны белән бәйле рәвештә вирус белән көрәшү өчен көчәйтелгән чаралар күрелгән: кайбер биналарга һәм учреждениеләргә керү өчен вакциналау узу турында белешмә кирәк, 65 яшьтән өлкәнрәкләр өчен үзизоляция режимы кертелгән. 18 октябрьдән киләсе этап башланачак - сәламәтләндерү, спорт һәм башка хезмәтләр алу өчен белешмә кирәк булачак.
Фото: zhirnoe.ru

Автор:Зөһрә Исламова