-24 °С
Болотло
75 лет Победы
Бөтә яңылыҡтар
Новости
31 Май 2021, 08:50

Чишмә янына бәйрәмгә китеп барганнар...

30 майда Мәчетле районында бер машина кеше төялгән ат арбасына бәрелгән иде. Авариянең нечкәлекләре билгеле булды.

Автомобиль руле артында Балакатай районында яшәүче 53 яшьлек ир утырган.

Зыян күрүчеләр - урындагы үзешчән фольклор коллективы артистлары. Алар Мөслим авылындагы «Фазыл чишмәсе» чишмәсенә «Күке чәе» бәйрәменә барган. Сигез пассажирның бишесе имгәнгән.

Бу арбада Башкортстан Иҗтимагый палатасы матбугат секретаре Ләйсән Гаррапованың әнисе дә барырга тиеш булган.

"Анда минем әнием була ала иде: тик ул Уфада мин командировкада булган вакытта оныгын карый", — дип яза ул Facebookтагы үз битендә.

Фаҗига урыныннан гармунчы Сәлимҗан Хәкимов башта Мәсәгуть дәваханәсенә озатыла. Аннары аны өенә кайтарып җибәрәләр. Тагын бер зыян күрүче - Фәүзия Сәлимова дәваханәдә авыр хәлдә, укытучы Гөлсем Дусмөхәммәтованың аягын кисәргә туры килгән - ул реанимациядә.

«Бәйрәмгә озак әзерләндек, репетиция ясадык. Көн шундый кояшлы булды. Һәм менә шундый хәл килеп чыкты...» - ди ханым.

Гөлсемгә көчле бәрелү туры килгән. Сөякләре сынып беткән, табиблар саклап калырга тырышса да, бер аягын тездән түбәнрәк ампутацияләргә туры килгән.

Авылдагы клуб авария хәлендә икән, шуңа күрә артистлар чишмәгә юнәлгәннәр.

Әле җиңел автомобиль йөртүче гаебе дәрәҗәсе турында дискуссия бара. Берәүләр кучерның маневр юнәлешен күрсәтү өчен техник мөмкинлекләре юк дип санаса, икенчеләре машина йөртүченең юл чатында узып китәргә тиеш түгеллеген раслый.

Әлегә экспертизалар үтәргә кирәк. Хәзерге вакытта җинаять эше кузгату мәсьәләсе хәл ителә.

Фото: башинформ
Автор: Резеда Галикәева
Источник: https://kiziltan.ru/articles/donja/Chishm-yanina-b-yr-mg-kitep-bargannar-812150/?utm_source=vk&utm_medium=social&utm_campaign=32350601
Читайте нас в