Мәхәббәт төне фаҗигале тәмамланган

Аның гәүдәсенә 9 апрельдә Волочаев урамындагы гараж массивында юлыкканнар.

Тәртип сакчылары башта корбанның шәхесе турында бер мәгълүмат та тапмаган - аның документлары булмаган. Соңрак алар аның яшәү рәвешен өйрәнгән, якыннарыннан сорашып, видеокүзәтү камераларыннан язуларны караганнар һәм шикләнелүченең эзенә төшкәннәр.

Башкортстан Тикшерү комитеты матбугат хезмәте хәбәр иткәнчә, 9 апрель төнендә Стәрлетамакта яшәүче ир әлеге хатын белән танышкан. Алар табын корган. Аннан соң пар машинада сөешергә ниятли, анда хатын ирне мыскыл итә башлый.

Ул мондый мөнәсәбәткә түзә алмый һәм берничә тапкыр йодрыгы белән суга, шуннан соң аны урамда калдыра да машинасына утырып китә. Урамда калган хатын вафат була.

Нәтиҗәдә, ир аңлы рәвештә сәламәтлеккә авыр зыян салу турындагы эшнең фигуранты булган. Тикшерү вакытына ул сак астына алынган.

Фото: башньюс

Автор: Резеда Галикәева

Источник: https://kiziltan.ru/articles/donja/M-h-bb-t-t-ne-fa-igale-t-mamlangan-768206/?utm_source=vk&utm_medium=social&utm_campaign=32350601