2023 йылдың башынан аҙ хәрәкәт иткән 3,5 меңдән ашыу пассажир Өфө тимер юл вокзалында оҙатып йөрөү хеҙмәте менән файҙаланған

Уңайлылыҡ өсөн бындай пассажирҙарға махсус хеҙмәттәр тәҡдим ителә: ҡаршы алыу, оҙатып йөрөү, багаж килтереү, поездың килеүен көтөп тороу өсөн урын хәстәрләү, поезға ултырғанда һәм төшкәндә ярҙам итеү, кресло-коляска йәки носилкалар биреү. Вокзал махсус ҡоролмалар һәм ҡулайламалар — киң ишек үткәүелдәре, пандустар һәм инвалид-коляскалылар өсөн лифттар менән йыһазландырылған.

Билет кассаларының тәҙрәләре түбәндә урынлаштырылған, ә насар ишетеүселәр менән һөйләшеү өсөн кассирҙарҙың махсус «пассажир-кассир» һөйләшеү ҡоролмаһы бар.

Һуҡырҙар һәм насар күреүселәр өсөн вокзал биләмәһендә тактиль иҙән күрһәткестәре һәм Брайль шрифты менән яҙылған мәғлүмәт таҡталары ҡуйылған.

→ Дауамы

Хеҙмәттәрҙең барыһы ла бушлай күрһәтелә.

Ярҙам алыу өсөн Юл йөрөүгә булышлыҡ итеү үҙәгенә ғариза бирергә кәрәк: 8 (800) 775-00-00 (тәүлек әйләнәһенә эшләй).

Үҙәк хеҙмәттәре тураһында тулыраҡ мәғлүмәт — «Рәсәй тимер юлдары» асыҡ акционерҙар йәмғиәте сайтында: https://vk.cc/crp7au

#Аңлатабыҙ_Башҡортостан