Элекке хатынын урлаган

26 февральдә Уфа полициясенә 36 яшьлек хатынның югалуы турында хәбәр килгән. Иртән ул үз фатирыннан эшкә чыгып киткән, ләкин эш урынына барып җитә алмаган.

Ашыгыч рәвештә югалган хатынны эзләү оештырылды. Шаһитлар сораштырылган, алар хатын-кызның машинасы янына килгәнен күргәннәр. Шул вакытта аның янына билгесез кеше йөгереп килгән, аны пассажир урынына утырткан һәм аның машинасында билгесез юнәлештә алып киткән.

Җинаятьче хатынның 37 яшьлек элекке ире булган. Республика буенча Эчке эшләр министрлыгының матбугат хезмәте хәбәр иткәнчә, элекке ир белән хатын арасында милекне бүлү аркасында низаг күптәннән булган: аерылышканнан соң фатир хатынга эләккән. Ир мәсьәләне радикаль ысул белән хәл итәргә булган: ул хатынны йорты алдында сагалап торган, ә соңыннан, көч куллану белән куркытып, Мәләвез районындагы ял базасына алып киткән. Анда ул хатынны полиция килгәнче номерда тотып торган.

Ир кулга алынган.

Фото: bash.news

Автор: Гөлия Мөгаллимова

Источник: https://kiziltan.ru/articles/gail-uchagy/Elekke-hatinin-urlagan-698272/?utm_source=vk&utm_medium=social&utm_campaign=32350601