"Бердәм система булдырырга кирәк..."

Утырыш Русия Президенты Владимир Путин катнашлыгында узган.

- Мигрантлар балаларын исәпкә алуның бердәм системасын, бердәм мәгълүматлар базасын булдырырга тәкъдим итәбез, без Русиягә балаларның күпме килүен, аларның нәрсә белән шөгыльләнүен, дәүләтнең социаль кайгырту чараларын төгәл күрергә тиеш, - диде Гомәрова бүген видеоконференция режимында узган милләтара мөнәсәбәтләр советы утырышында.

Русия Мәгариф һәм фән министрлыгыннан хәбәр итүләренчә, хәзерге вакытта мигрантларның 140 мең баласы Русия мәктәпләрендә укый. Шул ук вакытта, сенатор билгеләп үткәнчә, төрле ведомстволарда бу мәгълүматлар кайвакыт аерылып тора.

- Безнең фикеребезчә, мигрантларның ата-аналарының Русия территориясендәге балалары турында вакытында мәгълүмат бирмәве өчен җаваплылыгын билгеләү мөһим. Чөнки без бу балаларның кайда балалар бакчасына, мәктәпкә йөрүләрен, поликлиникага беркетелгән булу-булмавын белергә тиеш, - дип билгеләде ул.
Фото: Башинформ

Автор: Ример Насретдинов

Источник: https://kiziltan.ru/articles/obraz/Berd-m-sistema-buldirirga-kir-k-741009/?utm_source=vk&utm_medium=social&utm_campaign=32350601