Гөлназ Асаева: "Мин алар өчен шат..."

Дуслары нинди генә сораулар бирми аңа!

Менә бу юлы Радий Юлъякшин турында сорау биреп аптыраттылар. Берничә ел элек, Гөлназ белән Радик очрашалар икән, дигән имеш-мимешләр йөргән иде. Халыкның хәтере яхшы, андыйны онытмыйлар. Гөлназ Асаева кияүдә булуына карамастан, тамашачылары аңа элекке егетләре: я Ришат Төхвәтуллин, я Радик Юлъякшин турында сораулар бирергә ярата.

Инстаграмда туры эфир вакытында берничә аккаунт Асаевадан: «Элвин Грей өчен Сез шатмы?» – дип сораган. "Мин барлык кеше өчен дә шатмын!" – дип, Радик белән Инзилә никахына бәйле фикерен Гөлназ кыска тотты.

Үзенең гаилә тормышына килгәндә: "Гаилә тормышы миңа ошый, кызык. Хәзер бер-беребезгә ияләнгәнбез инде, шуңа күрә никахка кадәр яшәлгән гомерне хәтерләмибез дә", – дип шаяртты Гөлназ.
Барысы да: Гөлназ да, Радик та, Ришат та бәхетле булсыннар!

Автор: Резеда Галикәева

Источник: https://kiziltan.ru/articles/kultura/G-lnaz-Asaeva--Min-alar-chen-shat-662151/?utm_source=vk&utm_medium=social&utm_campaign=32350601